Hugmyndir eru nú sagðar uppi um það meðal framleiðenda sjónvarpsþáttanna Aðþrengdar eiginkonur að láta hina þröngsýnu Bree Van De Kamp eiga í ástarsambandi við aðra konu. Er hugmyndin sögð tilraun til að auka áhorf á þættina en það hefur minnkað töluvert að undanförnu.
Þá er Kim Cattrall, sem lék hina frjálslyndu Samönthu í sjónvarpsþáttunum Beðmál í borginni,sögð koma til greina í hlutverk ástkonu hennar og einnig Kim Delaney, sem leikur í þáttunum NYPD Blue. Greint er frá þessu í fréttabréfi BANG Showbiz.