Eva Longoria, sem leikur eitt aðalhlutverkið í Aðþrengdum eiginkonum, segist alveg til í að eignast barn með kærastanum sínum, körfuboltamanninum Tony Parker, áður en þau gangi í það heilaga - en hann sé ekki reiðubúinn til þess. „Hann er mjög ljúfur,“ segir hún um Parker. „Það er ég sem hef reynsluna. Ég er í kennarahlutverkinu, sérstaklega hvað ástina varðar.“
Þetta kemur fram í viðtali við Evu í tímaritinu Allure.Eva er 31 árs og Parker 23. Hún segir að það hafi verið „losti við fyrstu sýn“ er hún hitti hann fyrst í búningsherbergjum liðsins sem hann leikur með, San Antonio Spurs, eftir leik í fyrra.
Í næsta mánuði verður frumsýnd spennumyndin The Sentinel, þar sem Eva er í aðalhlutverki ásamt Michael Douglas, Íslandsvininum Kiefer Sutherland og Kim Basinger.