Cruise ræður barnfóstrur í vinnu svo Holmes geti æft meira

Leikarinn Tom Cruise hefur ráðið hóp barnfóstra til þess að annast dóttur þeirra Katie Holmes. Með því móti telur Cruise að Holmes gefist meiri tími til að koma sér í form fyrir brúðkaup þeirra skötuhjúa.

Tom Cruise hefur tekið þátt í líkamsrækt unnustunnar, að því er fram kemur á slúðurvefsíðunni TMZ.com. Samkvæmt vefnum er Cruise mjög umhugað um að unnustan komist í form á ný eftir að hafa eignast dóttur fyrr á árinu. Segist leikarinn vilja gera hvað sem er til þess að tryggja það að væntanleg eiginkona verði „fullkomin" þegar hún gengur upp að altarinu.

Samkvæmt heimildum TMZ.com hefur Katie Holmes grennst mjög mikið enda undir miklum þrýstingi frá unnustanum. Frá því að hún eignaðist dótturina, Suri í apríl hefur hún lyft lóðum að minnsta kosti fimm sinnum í viku.

• Blogga um frétt