Tónlistarmaðurinn Bob Dylan er sagður hafa valdið ótta hjá börnum í leikskóla sonarsonar síns. Dylan kom í leikskólann, sem er í Calabasas í Kaliforníu, og lék þar nokkur lög. „Þegar börnin komu heim til foreldra sinna sögðu þau frá „undarlega manninum" sem kom og spilaði óhugnanleg lög á gítarinn," sagði heimildamaður í samtali við dagblaðið New York Post.
Hann kom í skólann sér til skemmtunar en börnin höfðu ekki hugmynd um að þau væru í návist goðsagnar. Þeim fannst hann bara vera undarlegur maður með gítar."
Dylan er annars á tónleikaferðalagi um Evrópu um þessar mundir og kemur til að mynda fram á tónleikum í Berlín í kvöld.