Ágætis byrjun er besta íslenska platan
Setja bókamerki
Í tilefni af Degi íslenskrar tónlistar efndu Reykjavík, Reykjavík og mbl.is til kosningar um bestu íslensku plötu allra tíma. Á annað þúsund manns tók þátt í keppninni og á lista voru 77 plötur sem þátttakendur gátu valið úr. Einnig var hægt að tilnefna plötur sem ekki var að finna á listanum og við bættust 214 plötur frá þátttakendum í kosningunni. Skemmst er frá því að segja að hljómplatan Ágætis byrjun með Sigur Rós fékk afgerandi kosningu eða 423 atkvæði.
20 bestu plöturnar
1. Sigur Rós – Ágætis byrjun2. Trúbrot – Lifun
3. Bubbi – Ísbjarnarblús
4. Bubbi – Kona
5. Megas & Spilverkið –
Á bleikum náttkjólum
6. Björk – Debut
7. Sigur Rós – Takk
8. Utangarðsmenn – Geislavirkir
9. Stuðmenn – Sumar á Sýrlandi
10. Emilíana Torrini – Fisherman's Woman
11. Hjálmar – Hljóðlega af stað
12. Björk og Tríó Guðmundar Ingólfssonar – Gling Gló
13. Stuðmenn – Með allt á hreinu
14. Egó – Breyttir tímar
15. Elly Vilhjálms – Heyr mína bæn
16. Hinn íslenzki þursaflokkur – Hinn íslenzki þursaflokkur
17. Sykurmolarnir – Life's Too Good
18. XXX Rottweilerhundar – XXX Rottweilerhundar
19. Spilverk þjóðanna – Sturla
20. Mugison – Lonely Mountain
Tölurnar tala sínu máli
866.706 geisladiskar seldust á Íslandi árið 2006. Það eru um 2,9 eintök á hvern íbúa á Íslandi.574.234 íslenskir geisladiskar seldust á síðasta ári, eða 66,3% allra seldra geisladiska.
41.220 tónleikagestir sóttu tónleika Sinfóníuhljómsveitar Íslands árið 2005. Það árið hélt Sinfónían 82 tónleika af öllu tagi, bæði hér á landi og erlendis.
287 hljómsveitir og tónlistarmenn sóttu um að komast að á Iceland Airwaves hátíðina í ár. 170 hljómsveitir og tónlistarmenn voru valdir en þar af lék um fjórðungur í fyrsta skipti á hátíðinni.
2.300 tónleikar, eða þar um bil, voru haldnir hér á landi á síðasta ári eða að jafnaði sex tónleikar á dag. Tæpur helmingur þeirra er af klassískum toga.
47.299 verk eftir íslensk tónskáld eru á skrá hjá STEFi. Nýskráningar á síðasta ári voru 2.527. Frá janúar til júlí á þessu ári hafa 3.157 verk verið skráð hjá STEFi.
2.866 texta- og lagahöfundar eru á bak við öll þessi verk.
1,3% er varlega áætlað hlutfall tónlistariðnaðarins til vergrar landsframleiðslu.
85.000.000 er varlega áætluð krónutala yfir útgjöld heimilanna til tónlistar árið 2004.
30 íslenskir óperusöngvarar hafa lifibrauð af því að syngja í erlendum óperuhúsum.
3.000 eða þar um bil, er fjöldi kórfélaga um land allt.
12 lúðrasveitir eru starfandi á Íslandi og félagar eru á fjórða hundrað talsins.
100.000 lög eða þar um bil, hafa verið seld á Tónlist.is frá nóvember í fyrra til dagsins í dag.
1.000.000 laga hefur hins vegar verið streymt í gegnum Tónlist.is á þessu sama tímabili.
80 var fjöldi tónlistarskóla á Íslandi árið 2003. Þar af voru 30 þeirra á höfuðborgarsvæðinu.
12.000 nemendur stunda tónlistarnám á Íslandi. Það eru um 4,1% af íbúafjölda landsins.
20.000.000 er sá fjöldi platna sem Björk hefur selt um allan heim. Það eru jafnmargar plötur og selst hafa af íslenskri tónlist síðustu 60 ár.
Kvikan virðist nú skiptast til helminga
Hafa samþykkt kaup fyrir um 9,2 milljarða
Stóraukið fé til samgöngusáttmála
/frimg/1/48/52/1485260.jpg)
Ölfusárbrú opnuð aftur eftir bílslys
Hjón sluppu með skrekkinn
Fjárfestingin 115 milljarðar króna