Abba mun aldrei sameinast á ný

Björn Ulveus sagði að hann sæi ekki ástæðu til að mjólka meiri pening úr hljómsveitinni Abba. „Hví ættum við að gera eins og Rolling Stones eða Queen?” Sagði hann í viðtali við BBC.

„Við Benny náðum hápunktinum í okkar sköpun í Abba. Flestar hljómsveitir ná því að vera skapandi í sjö til tíu ár. Nokkrar halda áfram þrátt fyrir það," sagði Björn.

Björn segir að þeir Benny fái oft fyrirspurnir frá listamönnum sem vilja nota lögin þeirra í sinni eigin tónlist. En fyrrum Abba félagarnir segja alltaf nei við slíkum boðum nema þegar þeir heyrðu útgáfu Madonnu á laginu „Gimme Gimme Gimme”. „Það var svo vel gert að við samþykktum það,” sagði Björn.

Til baka