Pamela Anderson ætlar að opna súlustaðakeðjuna „Lapland“

Pamela Anderson ætlar að hefja rekstur súlustaðakeðju undir nafninu „Lapland“ til heiðurs langafa sínum, sem var Finni. Pamela hefur verið á ferðalagi um Finnland með föður sínum og vill sýna arfleifð sinni sóma með því að hefja þennan rekstur. Hún segir á vefsíðu sinni að þau feðginin hafi farið oft í sánu í ferðinni.

Pamela er virk í baráttunni fyrir réttindum dýra og hefur skrifað Tarja Halonen Finnlandsforseta bréf og farið fram á að loðdýrabúum í Finnlandi verði öllum lokað. „Það eru mörg hundruð loðdýrabú hérna ... Að öðru leyti er ég ákaflega hreykin af finnskum uppruna mínum. Hér eru fagrar sveitir.“

Til baka