Sektuð fyrir að kremja bjórdósir með berum brjóstunum

Kona sem vinnur á bar í Perth í Ástralíu skemmti gestum með því að kremja bjórdósir á milli nakinna brjóstanna á sér og hengja skeiðar á geirvörturnar, en nú hefur hún verið sektuð fyrir uppátækið, að því er lögreglan greindi frá í dag.

Hún var ákærð fyrir brot á áfengisvarnarlöggjöfinni, og játaði sig seka. Sektin nemur eitt þúsund áströlskum dölum. Samstarfsstúlka hennar, sem aðstoðaði hana við að hengja skeiðarnar á geirvörturnar, var sektuð um 500 dollara, og kráareigandinn um þúsund dollara fyrir að láta undir höfuð leggjast að stöðva framferði barþjónanna.

Til baka