Senda inn efni
Silvio Berlusconi. AP
Gifstu milljónamæringi segir Berlusconi
Bloggað um fréttina
-
Jóhann Frímann Traustasoní hvaða stjórmálaflokki
-
Eva HauksdóttirSvo satt...
-
Gulli litliÞetta er víst ekkert flókið..
-
Sigríður GunnarsdóttirSeinheppin stjórnmálamaður
-
SólaHugsið ykkur
-
Friðþjófur ÞorsteinssonDaður í beinni
-
Guðrún Jóhanna ÓlafsdóttirHey, til er ég....
-
Stefán Bogi SveinssonEf það gætu það nú allir
Eigir þú í fjárhagsvandræðum skaltu giftast milljónamæringi, segir Silvio Berlusconi, fyrrum forsætisráðherra Ítalíu.
Berlusconi lét ummælin falla í sjónvarpsþætti í gærkvöldi þegar ung kona spurði hann ung pör eigi að fara að því að stofna fjölskyldu án þess að hafa stöðuga vinnu.
„Þetta er heilræði sem ég get gefið sem faðir, þú ættir kannski að íhuga að giftast syni Berlusconis, eða einhverjum öðrum sem er ekki til jafn mikilla vandræða," sagði Berlusconi í umræddum sjónvarpsþætti. Berlusconi er talinn vera ríkasti maður á Ítalíu.
Berlusconi hélt áfram í svipuðum dúr þegar hann svaraði konunni: „Með þetta bros þitt gætir þú jafnvel komist upp með það.“
Margir ítalskir vinnuveitendur kjósa að ráða starfsfólk sitt tímabundið þar sem ítölsk lög gera þeim erfitt fyrir að reka fastráðið starfsfólk.
Berlusconi hefur áður lent í vandræðum vegna óheppilegra athugasemda og í þetta skiptið var hann gagnrýndur fyrir að vera ókurteis við konur og fjölda ungs fólks sem getur ekki skipulagt framtíð sína því það fær ekki stöðuga vinnu.
Berlusconi afsakaði sig síðar og sagðist aðeins hafa verið að grínast. Konan sem spurði spurningarinnar brosti þegar hún hlustaði á svar Berlusconis og sagði síðan ítölskum fjölmiðlum að hún mundi kjósa hann en Berlusconi er forsætisráðherraefni hægri flokkanna á Ítalíu og þingkosningar fara fram í apríl.
Til baka