Isac Hayes látinn

Bandaríski tónlistarmaðurinn Isaac Hayes lést í dag á heimili sínu í Memphis í Tennessee, 65 ára að aldri. Hayes fékk m.a. Óskarsverðlaun árið 1971 fyrir lag sitt Theme From Shaft. Þá talaði hann fyrir persónuna Chef í teiknimyndunum South Park.

Banamein Hayes er ekki ljóst en hann átti við vanheilsu að stríða, fékk m.a. heilablóðfall árið 2006. 

Isaac Hayes var á ofanverðri síðustu öld í hópi virtustu  tónlistarmannanna í Bandaríkjunum, sem fluttu svonefnda soul tónlist. Hann var sjálfmenntaður og lék á píanó og saxófón auk þess að syngja.

Hayes var fjórkvæntur og eignaðist 12 börn. 

Til baka