Rybak hrifinn af Jóhönnu

Senda frétt

Prenta frétt

Upplestur á frétt

Deila

Blogga um frétt

Bloggað um fréttina

Sylvía
Syngur hun um efnahagshrunið? spyrja Norðmenn
Ómar Ragnarsson
Megi það besta vinna.
Brjánn Guðjónsson
Söngvarinn skælbrosandi
Stefán Friðrik Stefánsson
Sjarmatröllið Alexander
Doddi - Þorsteinn G. Jónsson
Ég er hrifinn af Rybak
Grefill
Rybak er öruggur sigurvegari Eurovison 2009 ...

Söngvarinn Alexander Rybak, sem keppir fyrir hönd Noregs í Evróvisjón söngvakeppninni í Moskvu, segir í samtali við norska blaðið VG, að lög Íslands og Makedóníu hafi kallað fram bros hjá sér þegar fyrri undanúrslit keppninnar fóru fram í gærkvöldi.

„Það gerði Búlgaría raunar líka en af öðrum ástæðum," bætti Rybak við. Hvorki Makedónía né Búlgaría komust áfram í úrslitin.

Jóhanna Guðrún þakkar áhorfendum í Moskvu í gærkvöldi. Reuters

Margir veðja á að Rybak, sem á 23 ára afmæli í dag, vinni keppnina á laugardag. Í morgun kom raunar babb í bátinn þegar danska Ekstra Bladet upplýsti, að Rybak hefði verið boðið á heimili rússneska poppsöngvarans Philipps Kirkorov, sem jafnframt er formaður rússnesku dómnefndarinnar. Þar hafi verið skálað í vodka og snæddur kavíar.

Norskir fjölmiðlar velta því fyrir sér í dag hvort þetta muni hafa áhrif á þátttöku Rybaks og leiði hugsanlega til þess að fólk greiði honum ekki atkvæði.

Þurfum á góðum fréttum að halda

Á blaðamannafundi, sem haldinn var eftir undankeppnina í gærkvöldi, sagðist Jóhanna Guðrún hafa verið afar spennt þegar nöfn þeirra, landa sem komust áfram, voru lesin upp. „Ég grét, ég sem aldrei græt," sagði hún.

Malena Ernman á sviðinu í Moskvu. Reuters

Jóhanna Guðrún sagði einnig aðspurð, að það hafi verið gott fyrir íslenska þjóðarsál að hún komst áfram í keppninni. „Landið okkar þarf á góðum fréttum að halda," sagði hún og þakkaði öllum sem kusu hana.

Sænska messósópransöngkonan Malena Ernman komst einnig áfram í úrslitin. Þegar hún var spurð á blaðamannafundinum hvort hún gæti hugsað sér að taka aftur þátt í Evróvisjón svaraði hún: „Ef ég verð nógu drukkin á næsta ári kynni ég að segja já."

Fara til baka Til baka