Nýjasta breiðskífa hljómsveitarinnar múm „Sing a Long to Songs You Don't Know" verður seld á gogoyoko.com frá og með mánudeginum 17. ágúst. Platan kemur formlega út í Evrópu þann 24. ágúst hjá Morr Music og í Norður Ameríku hjá Euphono þann 24. ágúst, og verður þá fáanleg á geisladisk, vínyl og stafrænu formi, samkvæmt fréttatilkynningu.
Ákveðinn hluti tónlistarsölu plötunnar gegnum gogoyoko.com, eða 10%, rennur til mannúðarsamtakana Refugee United. Samtökin aðstoða flóttamenn, sem þurft hafa flýja heimaland sitt, að komast að nýju í samband við fjölskyldu, ættingja og vini. Þau eru ein af þeim góðgerðar- og umhverfisverndarsamtökum sem gogoyoko.com vinnur með, en eitt af markmiðum gogoyoko er að hvetja og auðvelda listamönnum og tónlistarunnendur að láta gott af sér leiða gegnum tónlistarkaup, sölu og notkun síðunnar, samkvæmt tilkynningu.