Sigrún Vala Baldursdóttir mun syngja lag Halldórs Guðjónssonar, „I Believe in Angels“, í forkeppni Evróvisjón á næsta ári. Sigrún Vala er ung söngkona af Suðurlandi og stundar nám við Tónlistarskóla FÍH.
Hún hefur á síðustu árum gefið út nokkur lög sem hafa notið vinsælda í útvarpi. Halldór hefur einnig átt góðu gengi að fagna. Átta lög eftir hann hafa komist í úrslit Ljósalagskeppni Reykjanesbæjar. Hann vann keppnina í fyrra og árið 2005.