Allir vita að sólin getur valdið skaða á húðfrumum okkar og hraðað öldrunarferlinu og jafnvel valdið húðkrabbameini. Hins vegar gera ekki allir sér grein fyrir að það þarf líka að vernda hárið fyrir sólinni. Sólarskemmdir á hárinu koma fram í upplitun á hárinu, þurrki í hárleggnum og klofnum endum. Ljósbylgjum sólarinnar er skipt í þrjá flokka eftir styrkleika þeirra. Flokkarnir eru UVA, UVB og UVC.

UVA eða útfjólubláir A - Þetta eru sterkustu og geislavirkustu geislar sólarinnar. Útfjólubláir A geislar hafa lengstu bylgjulengdina og þeir geta truflað trefjalíkar frumurnar sem gefa hárinu styrk sinn og sveigjanleika. Þeir geta líka skemmt litarefnið sem ræður náttúrulegum háralit og brennt ytra lag hársins, sem veldur því að hárið verður líflaust, stökkt og þurrt. UVA geislar geta líka brennt hársvörðinn, en slæmur sólbruni á hársverði getur jafnvel leitt til hárloss.

UVB eða útfjólubláir B - Þetta eru ósýnilegu geislarnir sem geta líka farið djúpt inn í miðju hársins og skemmt trefjar hársins. Þeir geta líka eyðilegt ytra lag hársins. UVB geislar geta auðveldlega þurrkað hárið og leitt til þess að náttúrulegir litir og hárlitunarlitir dofni.

UVC - útfjólubláir C - Þessir geislar eru skaðlegastir, en þeir ná ekki til okkar vegna ósonlagsins, sem verndar okkur.

Hvað er til ráða?

Best er hugsanlega að nota höfuðfat og verja þannig hárið. En þeir sem ekki gera það og eru til dæmis í sól allan daginn geta valið nokkrar leiðir til að verja hárið. Hægt er að setja hárnæringu í hárið eftir þvott að morgni og skola hana ekki úr fyrr en í lok dags. Svo er líka hægt að nota hárnæringu eins og til dæmis Repair & Care Hair Serum frá Lavera, en hana má bæði setja í rakt hár eftir þvott og eins í þurrt hár.

Djúpnæringar virka einnig vel, en þá gjarnan eftir sólarfrí eða útiveru í mikilli sól og sumir nota kókosolíu og setja hana í hárið að kvöldi til, vefja túrban um hárið og skola hana úr næsta morgun.

Heimildir og frekari upplýsingar HÉR.