Elsta vændishúsi Hamborgar lokað

Elsta vændishúsinu í rauða hverfinu í Hamborg verður lokað innan tíðar vegna skorts á viðskiptavinum. Hotel Luxor var stofnsett 1948 en hefur verið selt fjárfesti sem ætlar ekki að halda rekstrinum áfram.

Í samtali við Hamburg Morgenpost og Bild kenndi frú Waltraud Mehrer, forstöðukona vændishússins, meðal annars auðfengnu klámi á netinu um lægð í viðskiptunum sem og auknum umsvifum símavændiskvenna og nefndi að líka að hávær diskótek og dansstaðir í St Pauli hverfinu fældu viðskiptavinina frá hinu hefðbundna vændishúsi.

Rekstur vændishússins stóð í hvað mestum blóma á áttunda áratug síðustu aldar er það var opið alla daga vikunnar með 12 vændiskonur í vinnu. Nú er einungis opið frá þriðjudegi til fram á föstudagskvöld og 4 konur starfa þar.

• 4 blogg um fréttina

Bloggað um fréttina

• Þórbergur Torfason: Tími til að endurnýja.
• Frikkinn: Luxor eða bara Eros center .
• hofy sig: Kanski þær séu búnar á því.
• Sigurbjörn Friðriksson: Komu Kolbrún Halldórsdóttir og aðrir femínistar þarna nálægt?