Senda inn efni
Margar sprengjur, sem Ísraelar vörpuðu úr flugvélum í átökunum á Gaza, sprungu ekki. Reuters
Sprengjur sem gufuðu upp
Bloggað um fréttina
-
Vésteinn Valgarðsson"Ísraelar saka Hamas um..."
-
Aron Björn KristinssonGóð tímasetning..
Fjölmargar sprengjur, sem voru notaðar í átökum Ísraela og Hamas-liða á Gaza í lok desember og í janúar, sprungu ekki þrátt fyrir að þeim hafi verið beitt. Fréttavefur breska ríkisútvarpsins segir að þessar sprengjur séu nú horfnar.
Sprengjusérfræðingar á vegum Sameinuðu þjóðanna áttu að hreinsa svæðið, en ljóst er að einhver var á undan þeim.
Um er að ræða flugvélasprengjur og fosfórsprengjur, sem Ísraelsher notaði í átökunum á Gaza.
Embættismenn á vegum SÞ reyna nú að komast að því hvar vopnin séu niðurkomin. Þá hafa þeir kallað eftir því að þeim verði skilað.
Ísraelar saka Hama-samtökin um að hafa tekið sprengjurnar.
Sprengjusérsveit á vegum SÞ hefur verið á Gaza frá því átökunum lauk í síðasta mánuði. Verkefni sveitarinnar er að finna ósprungnar sprengjur og fjarlægja þær með öruggum hætti.
Fyrir hálfum mánuði, þann 2. febrúar, fékk sveitin aðgang að geymslusvæði í Gaza-borg þar sem yfir sjö tonn af sprengiefni var geymt.
Þar voru m.a. geymdar þrjár stórar sprengjur, en hver þeirra vegur um eitt tonn . Þar voru einnig minni sprengjur, eða átta talsins, sem vega yfir 200 kg. Þeim hafði öllum verið sleppt úr flugvél, en þær sprungu hins vegar ekki.
Til baka