Senda inn efni
Eva Brunne Stokkhólmsbiskup er lesbía og í staðfestri sambúð með konu.
Lesbía vígð biskup
Bloggað um fréttina
-
Jón Valur JenssonLesbía vígð sem biskup Stokkhólms
-
Sigurður GunnarssonHið bezta mál.
-
Jóhannes RagnarssonSá illi maður Baldur smjörvi og viðeigandi endalok…
-
Jón Pétur LíndalEr Guð ekki svört múslimsk lesbía?
-
FrikkinnSænskir með vit í heilanum
-
Unnar Geir UnnarssonSko svíana
-
Bergur ThorbergMerkilegt?
Séra Eva Brunne, fyrsti biskup Svíþjóðar sem hefur yfirlýst samkynhneigð sinni, var vígð í embætti Stokkhólmsbiskups við vígsluathöfn í Uppsala í dag. Sænska kirkjan, sem er evangelísk lúthersk líkt og þjóðkirkjan, samþykkti hjónabönd samkynheigðra fyrir um mánuði.
Tvær konur voru vígðar til biskups í dómkirkjunni í Uppsala í dag. Auk Evu Brunne var Tuulikki Koivunen Bylund, dómprófastur í Uppsala, vígð biskup í Härnösand, að sögn Uppsala Nya Tidning.
Vígsla Evu Brunne hefur vakið athygli víða um heim. Hún er í staðfestri sambúð með annarri konu. Þær hafa sameiginlega forsjá yfir þriggja ára gömlu barni.
Sænska kirkjan, sem var þjóðkirkja til ársins 2000, studdi lagasetningu sænska þingsins um hjónabönd samkynhneigðra. Þau gengu í gildi 1. maí síðastliðinn. Sýnóda sænsku kirkjunnar samþykkti kirkjuvígslu samkynhneigðra í hjónaband 22. október síðastliðinn.
Til baka