Senda inn efni
Haítíbúar safnast saman þar sem hjálpargögnum var varpað úr þyrlu. Reuters
Hálf milljón hefst við utandyra
Bloggað um fréttina
-
Ingólfur Ásgeir JóhannessonBandaríski herinn verndar auðmennina á Haiti
Að minnsta kosti hálf milljón manna hefst nú við utandyra í bráðabirgðabúðum í Port-au-Prince, höfuðborg Haítí, að sögn talsmanns alþjóðlegu stofnunarinnar IOM.
Alls eru um 447 slíkar búðir í borginni þar sem fólk hefur reist skýli úr ábreiðum, pappakössum og braki úr húsum. Nokkrir hafa fengið tjöld frá stjórnvöldum á Haítí eða bandaríska hernum.
IOM, sem hefur umsjón með dreifingu hjálpargagna á vegum Sameinuðu þjóðanna, segir að sú dreifing gangi enn hægt þar sem skortur sé á eldsneyti og flutningabílum.
Mikill fjöldi manna hefur safnast saman við höfnina í Port-au-Prince í von um að komast um borð í ferjur, sem flytja nú fólk frá borginni til annarra landshluta þar sem jarðskjálftinn olli ekki tjóni.
Til baka