Senda inn efni
Ekkert hefur spurt til Faiza Ashraf, 26 ára norskrar konu, frá því á miðvikudagsmorgun í síðustu viku.
Mannránið var greiði við annan
„Ég ætla ekki að meiða þig. Ég geri þetta fyrir Pakistana og fæ 100.000 fyrir,“ sagði mannræningi við Faiza Ashraf, 26 ára norska konu af pakístönskum ættum sem var rænt á miðvikudaginn var. Dagbladet í Noregi greinir í dag frá lögregluskýrslu um samtöl lögreglu við Ashraf eftir að henni var rænt.
Faiza Ashraf hringdi til lögreglunnar kl. 06.44 á miðvikudagsmorgun. Hún kynnti sig og sagði að maður sem hún þekkti ekki hafi rænt henni. Ashraf var í uppnámi og bað um hjálp. Símtalið varaði í tvær mínútur.
Hún kvaðst hafa verið á leið til vinnu sinnar í Osló þegar ráðista var á hana við stoppistöð. Hún kvaðst hafa tekist á við mannræningjann og hann slegið hana ítrekað í höfuðið. Ashraf sagði að hún hafi verið lokuð niðri í farangursgeymslu dökklitaðs bíls.
Fjarskiptamiðstöð lögreglunnar hringdi í Ashraf kl. kl. 06.52 og hún svaraði strax. Þá greindi hún frá því að ræninginn hafi stoppað bílinn, bundið hana og útskýrt hvers vegna hann rændi henni. Henni tókst fljótlega að losa aðra hendina. Símtalið stóð í 28 mínútur.
Faiza Ashraf nefndi mann sem hún grunaði um að standa á bakvið ránið. Sá er 28 ára gamall leigubílstjóri sem hafði ónáðað hana með símtölum og smáskilaboðum. Hann hefur verið úrskurðaður í fjögurra vikna gæsluvarðhald.
Lögreglan hefur síðan reynt að hringja í síma Faiza Ashraf en ekki verið svarað. Það sem mannræninginn kvaðst hafa haft fyrir ómakið, 100.000 norskar krónur, samsvarar 2,168 milljónum íslenskra króna.
Til baka