Senda inn efni
Spánverjar standa í röð utan við vinnumálastofnun í Madrid. PAUL HANNA
Samkomulag um launahækkanir á Spáni
Spænsk stéttafélög og forkólfar vinnumarkaðarins skrifuðu í dag undir sáttmála um röð smávægilegra launahækkana með reglulegu millibili á næstu þremur árum. Þetta er talið lykilsamkomulag í baráttu stjórnvalda við gríðarlegt atvinnuleysi og samdrátt.
Talsmenn verkalýðsfélaga fagna sáttmálanum og segja að með honum sé skjaldborg slegið um störf og laun auk þess sem hann sýni að starfsmenn og yfirmenn geti unnið saman að því að sigrast á kreppunni þrátt fyrir ólíka hagsmuni.
Samkvæmt sáttmálanum verða laun hækkuð um hámark 1% á þessu ári, um 1-2% árið 2011 og um 1,5-2,5% árið 2012. Aðilar vinnumarkaðarins hafa unnið að því að finna aðrar lausnir en uppsagnir til að bregðast við erfiðu árferði. Á fjórða ársfjórðungi 2009 var 19% atvinnuleysi á Spáni.
Til baka