Senda inn efni
Bandarískir hermenn í Afganistan. Reuters
Undirbúa stórárás í Afganistan
Bloggað um fréttina
-
Sveinn Þór HrafnssonHvað ef allt sem þú trúir væri lygi?
Bandaríkjaher er nú á síðustu metrunum í undirbúningi fyrir stórárás sem gerð verður á yfirráðasvæði Talíbana í suðurhluta Afganistan. Árásin verður sú umfangsmesta í 8 ára sögu stríðsins.
Þúsundir hermanna úr herjum Afganistan, Bandaríkjanna og Nató taka þátt í árásinni sem hlotið hefur vinnuheitið Mushtarak-aðgerðin. Tilgangurinn er að flæma Talíbana með öllu úr héraðinu Marjah, þar sem um 80.000 manns búa, og stækka þannig umráðasvæði afgönsku ríkisstjórnarinnar, sem nýtur stuðnings Vesturlanda.
Afganskir borgarar hafa síðustu daga flúið svæðið og flytja með sér búfénað, húsgögn og klæði í öruggt skjól. Flestir leita til borgarinnar Lashkar Gah, sem er höfuðborg Helmand héraðs í um 20 km fjarlægð.
Héraðsstjóri Helmand segist viðbúin því að taka á móti hópum af flóttafólki vegna árásarinnar, sem verður gerð einhvern tíma á næstu dögum. Tjaldbúðum hefur þegar verið skotið upp og matarbyrgðum safnað til að aðstoða flóttamennina. Hátt í 200 fjölskyldur hafa þegar flúið heimili sín til að vera fjarri stríðsátökunum, en talsmenn Nató hvetja fólk til að halda sig heima og heita því að allt verði gert til að almennir borgarar verði ekki fyrir áreiti vegna árásarinnar.
Til baka