Sjálfsmorðsárás var gerð á vaktstöð lögreglu í miðhluta Íraks í dag. Tíu féllu og 35 særðust. Árásin var gerð í Suwierah, suður af höfuðborginni Bagdad.
Í gær voru einnig gerðar mannskæðar sjálfsmorðsárásir í landinu. Í gær var sprengja sprengd í háskóla í Bagdad og létu að minnsta kosti sextán manns lífið í henni.
Eftir tíu daga hefjast þingkosningar í landinu, þann 30 apríl. Þetta verða fyrstu þingkosningarnar í landinu frá því að bandaríski herinn yfirgaf landið árið 2011.