Börnin verði send tafarlaust heim

Barack Obama, forseti Bandaríkjanna, segir að öll börn sem fari ólöglega yfir landamærin og til Bandaríkjanna verði send úr landi - án tafar. Hann fundaði um málið með forsetum Gvatemala, Hondúras og El Salvador í nótt.

Í sameiginlegri yfirlýsingu forsetanna segir að mikilvægt verkefni sé að minnka fátækt barna sem koma frá ríkjum Mið-Ameríku þannig að þau eigi ekki þann kost einan að flýja land og freista þess að komast yfir landamærin.

Talið er að yfir fimmtíu þúsund ungmenni hafi reynt að komast ein síns liðs yfir landamæri Mexíkó og til Bandaríkjanna á seinasta ára. Ungmennin koma aðallega frá Gvatemala, Hondúras og El Salvador, þar sem þau búa við sára fátækt.

• Blogga um frétt