Að minnsta kosti fjörutíu féllu í árás Ísraelshers á borgina Rafah á Gaza-svæðinu í dag. Um 150 særðust í árásunum. Árásirnar voru gerðar aðeins um tveimur klukkustundum eftir að vopnahlé hófst.
Að minnsta kosti 1.500 Palestínumenn, aðallega óbreyttir borgarar, hafa fallið frá því að átökin brutust út í byrjun júlí. Um sextíu ísraelskir hermenn hafa fallið og þrír óbreyttir ísraelskir borgarar.
Sjúkraliðar eiga ekki auðveldan aðgang að svæðinu þar sem herinn hefur sett upp vegatálma við borgina.
Hamas-liðar hófu einnig árásir yfir landamærin að Ísrael í morgun, skömmu eftir að vopnahléið átti að hefjast.