Sala á fölsuðum lyfjum hefur vaxið ár frá ári og er mikið vandamál víða í Evrópu. Í Danmörku hefur Lyfjaeftirlitið þurft að taka af markaði geðlyf sem hafa verið flutt til landsins. Eins hafa krabbameinslyf sem stolið var af ítölsku mafíunni verið seld í Danmörku og Þýskalandi.
Fjallað er um sölu á fölsuðum lyfjum og stolnum lyfjum í Berlingske í dag. Þar kemur meðal annars fram að Lyfjaeftirlit Danmerkur hafi í morgun sent frá sér tilkynningu vegna lyfsins Abilify sem fólk sem glímur við geðhvörf og fleiri sjúkdóma tekur. Lyfið er flutt inn til Danmerkur af EuroPharmaDK.