Barack Obama, forseti Bandaríkjanna, hét því í dag að berjast gegn kynferðislegu ofbeldi á háskólasvæðum í Bandaríkjunum. Talið er að ein af hverjum fimm konum í landinu séu misnotaðar kynferðislega á meðan þær stunda nám við háskóla.
Aðeins um 12% af árásunum eru tilkynntar til lögreglu og enn færri málum lýkur með dómi. Obama á sjálfur tvær dætur á unglingsaldri, 13 og 16 ára. Hann benti á að ekki mætti gleyma því að karlmenn eru einnig misnotaðir. „Mönnum er nauðgað. Þeir eru enn ólíklegri til að ræða það,“ sagði forsetinn.