Réttarhöld yfir kanadíska klámmyndaleikanum Luka Rocco Magnotta, sem er ákærður fyrir morð á kínversku nemanda í Montreal munu hefjast 29. september. Dómari í málinu tilkynnti í dag að kviðdómarar hafi verið valdir.
Magnotta er ákærður fyrir að hafa stungið fórnarlamb sitt, Lin Jun, til bana með ísnál í maí 2012. Í kjölfarið níddist hann kynferðislega á líkinu, skar það í sundur og tók allt saman upp á myndband. Myndbandið setti hann á netið og sendi svo líkamshlutana í pósti til skóla og skrifstofa stjórnmálaflokka.
Málið er eitt stærsta sakamál sem komið hefur upp í Kanada í mörg ár.
Nokkrum dögum eftir morðið fann lögreglan í Montreal búk fórnarlambsins í ferðatösku í rusli fyrir utan íbúðarhús.
Hendur og fætur fórnarlambsins voru síðan sendar í pósti til skrifstofa stjórnmálaflokka í Ottawa og tveggja skóla í Vancouver. Höfuð Lin fannst síðan í almenningsgarði í Montreal nokkrum mánuðum síðar.
Magnotta flúði Kanada en var handtekinn í Þýskalandi í júní 2012. Magnotta segist vera saklaus af öllum ákæruliðum. Ef hann er sakfelldur verður hann líklegast í fangelsi til æviloka.
Talið er að réttarhöldin taki um sex til átta vikur en um sextíu manns munu bera vitni.
Fyrri fréttir mbl.is
„Fórnarlamb kanadíska brjálæðingsins borið til grafar“