Skvettu sýru á andlit stúlku

16 ára stúlka frá Pakistan er alvarlega slösuð eftir að tveir karlmenn skvettu sýru á andlit hennar en hún hafði ítrekað hafnað beiðni frá öðrum þeirra um að giftast sér. Ráðist var á stúlkuna, Shabnam Batool, á heimili hennar í bænum Qaim Bharwana í vesturhluta landsins.

Mennirnir klifruðu upp vegg hússins á meðan fjölskylda stúlkunnar var í fastasvefni og skvettu því næst sýrunni á andlit Batool. Annar maðurinn hefur verið handtekinn en lögreglu hefur ekki tekist að hafa hendur í hári þess sem vildi ganga að eiga Batool.  

Að sögn læknis hlaut stúlkan brunasár á 90% andlitsins og þá eru augu hennar illa farin.

• Blogga um frétt