Lögregla í Síle hefur fundið lík tveggja skíðamanna sem hefur verið saknað frá því þeir lentu í snjóflóð á San Lorenzo fjallinu í Patagóníu á þriðjudag.
Mennirnir, Kanadabúinn Jean-Philippe Auclair Svíinn Carl Andreas Fransson höfðu verið að skíða (extreme skiing) í fjallinu ásamt tveimur sænskum félögum sínum þegar þeir lentu í flóðinu. Félagar þeirra sluppu án meiðsla.
Hópurinn hafði komið til Aysen héraðs í Síle á fimmtudag í síðustu viku og hafði Fransson lýst því á vef sínum hversu mikið hann hlakkaði til þess að skíða á svæðinu. San Lorenzo fjallið er 3.600 metrar að hæð. Það er þekkt meðal ævintýrafólks fyrir spennandi brekkur en um leið oft stórhættulegar.
Auclair er gríðarlega þekktur í heimi skíðamanna sem fara ótroðnar slóðir en hann vann meðal annars við að hanna skíði og eins kom hann fram í kvikmyndum, samkvæmt BBC.