Á von á sér í apríl
Setja bókamerki
Hertoginn og hertogaynjan af Cambridge hafa nú tilkynnt hvenær von er á næsta barni þeirra. Í yfirlýsingu frá Kensingtonhöll kemur fram að Katrín sé enn undir eftirliti vegna alvarlegrar morgunógleði sem hefur hrjáð hana síðustu vikur. Þetta kemur fram í frétt Sky News.
Samkvæmt yfirlýsingunni er Katrín á batavegi og á von á sér í apríl á næsta ári.
Katrín þurfti að aflýsa nokkrum viðburðum vegna veikinda sinna, m.a. neyddist hún til þess að hætta við að fara í opinbera heimsókn til Möltu. Átti það að vera fyrsta opinbera heimsóknin sem Katrín fer í án Vilhjálms.
Nú er þó áætlað að Katrín muni taka fullan þátt í dagskrá þegar að forseti Singapúr kemur í opinbera heimsókn til Bretlands á morgun.
Yfirlýsing hallarinnar gefur til kynna að Katrín sé komin um 12-16 vikur á leið. Þar af leiðandi gæti barnið fæðst í kringum brúðkaupsafmæli hjónanna en þau giftu sig 29. apríl 2011.
Fyrsta barn hjónanna, Georg prins, fæddist í júlí á síðasta ári. Annað barn hjónanna verður því það fjórða í röðinni að krúnunni og færist Harry, bróðir Vilhjálms, því niður í fimmta sæti.
Myndir: Reynir við heimsmet í Hlíðarfjalli í dag
„Okkur miðar í rétta átt“
Hönnun sem bætir líf manna
Beint frá Kína
Verðbólgan komin niður í 6%
„Skýr skilaboð til Seðlabankans“
Átta morðmál á aðeins tólf mánuðum
Vona að Orkustofnun veiti ekki virkjunarleyfi