Tveir ítalskir karlmenn hafa verið ákærðir að hafa með „löngum og ástríðufullum“ kossi brotið gegn friði.

Mennirnir kysstust er þeir tóku þátt í mótmælum í mars á þessu ári en í skýrslu lögreglu kom fram að kossinn hefði „vakið viðbjóð“ hjá gangandi vegfarendum.

Mennirnir eru hluti af hóp sem berst fyrir réttindum samkynhneigðra. Mótmælin fóru fram í borginni Perugia.

Þegar hópurinn var beðinn um að færa sig, kysstust mennirnir lengi og innilega „fyrir framan margar fjölskyldur með börn og unglinga,“ sagði í skýrslu lögreglu.

Fjórir úr hópnum hafa verið ákærðir fyrir ólöglegar mótmælaaðgerðir.

Tengdar fréttir

Réttindabarátta hinsegin fólks

Vitundarvakning þolir enga bið

• Mjög alvarlegt ef um hatursglæp er að ræða
• Stenst stjórnarskrá að banna samkynja hjónabönd
• Stjórnvöld brjóta stjórnarskrávarinn rétt fólks
• Samkynhneigðir sakaðir um hryðjuverk

» Fleiri tengdar fréttir

• Blogga um frétt