Stjórnvöld í Egyptalandi hafa fyrirskipað neyðarlög á Sínaískaga eftir að 30 hermenn létu þar lífið þegar bílasprengja sprakk við fyrr í dag. Þrjátíu til viðbótar særðust, en talið er að hópur íslamista hafi staðið á bak við hermdarverkið.
Neyðarlögin taka gildi klukkan þrjú í nótt að íslenskum tíma og verða í gildi á hluta Sínaí í þrjá mánuði. Ákveðið var einnig að loka landamærastöðinni við Rafah á Gaza-ströndinni.
Árásin varð skammt frá bænum El Arish, sem er stærsti bær skagans. A.m.k. 25 hermenn féllu og er árásin ein sú mannskæðasta sem hefur verið gerð á Sínaískaga undanfarna mánuði. Enginn hefur lýst yfir ábyrgð vegna tilræðisins, en grunur beinist að samtökunum Ansar Beit al-Maqdis. Yfir 20 liðsmenn samtakanna hafa verið vegnir í þessum mánuði.
Egypski herinn hefur barist gegn hópi uppreisnarmanna á skaganum, en þeir hafa staðið á bak við margar árásir þar. Lögleysa hefur ríkt á svæðinu frá því Hosni Mubarak var steypt af stóli forseta árið 2011.