Breskir vísindamenn gera nú tilraunir með nýtt ebólupróf sem getur greint sjúkdóminn á fimmtán mínútum. Það er sex sinnum hraðvirkara en núverandi greiningartæki og gæti gert meðhöndlun á sjúkdóminum skilvirkari en verið hefur.
„Áreiðanlegt fimmtán mínútna próf sem getur staðfest ebólutilfelli væri lykilþáttur í að meðhöndla ebólufaraldurinn á skilvirkan hátt. Hægt væri að greina sjúklinga, einangra þá og annast um þá eins fljótt og mögulegt er,“ segir Val Snewin frá Wellcome-sjóðnum sem tilkynnti um þróun prófsins ásamt bresku þróunarstofnuninni í dag.
Prófið á að henta sjúkrahúsum á afskektum slóðum þar sem aðgengi að rafmagni og kæligeymslum er af skornum skammti. Tilraunirnar með prófið verða gerðar í Conakry í Gíneu en þar hafa að minnsta kosti 1.200 manns látist úr sjúkdómnum.