Nú hafa verið birt afrit af samtölum á milli árásarmannanna sem réðust á skóla í Pakistan á þriðjudaginn við yfirmenn sína. Áttu þeir í samskiptum stuttu áður en árásarmennirnir voru drepnir af hermönnum.
Sex vopnaðir talibanar réðust inn í skólann og drápu að minnsta kosti 132 börn og níu kennara í skólanum. Samkvæmt frétt The Independent spurðu þeir síðan yfirmenn sína einfaldlega: „Við erum búin að drepa öll börnin í salnum. Hvað gerum við núna?“
Særð börn hafa nú tjáð sig frá sjúkrahúsi um upplifun sína á fjöldamorðinu og sagt frá því hvernig bekkjarfélagar þeirra voru drepnir fyrir framan þau. Árásarmennirnir klæddust sprengjuvestum og skutu stanslaust á nemendurna og kennara.
Að sögn talsmanns hersins voru margir nemendur viðstaddir athöfn í sal skólans. Um hundrað börn voru drepin þar.
Samskipti árásarmannanna við yfirmenn sína birtust í pakistanska dagblaðinu Dawn. Á einn árásarmaðurinn að hafa spurt Umar Adizai um leiðsögn um hvað skyldi gera næst.
„Bíðið eftir hermönnunum, drepið þá og sprengið ykkur síðan í loft upp,“ á Adizai að hafa sagt.
Samkvæmt upplýsingum frá yfirvöldum var þetta það síðasta sem fór þeirra á milli áður en árásarmennirnir voru skotnir af hermönnum.
Frétt The Independent
Fyrri fréttir mbl.is
„Drepið þau“
Þjóðarsorg í Pakistan
Pakistanskur hermaður inni í skólanum þar sem 132 börn voru myrt á þriðjudaginn.
AFP
Ummerkin um árásina eru augljós í skólanum.
AFP
Frá tölvustofu skólans eftir árásina.
AFP
Þetta eru mennirnir sem réðust á skólann á þriðjdaguinn.
AFP
Pakistanskur hermaður inni í skólanum þar sem 132 börn voru myrt á þriðjudaginn.
AFP
Ummerkin um árásina eru augljós í skólanum.
AFP
Frá tölvustofu skólans eftir árásina.
AFP