Hægt er að kenna forsætisráðherra Japan, Shinzo Abe, um andlát Haruna Yukawa, japanska gíslsins sem hryðjuverkasamtökin ríki Íslams tóku nýlega af lífi. Þetta kemur fram í ritstjórnarpistli í kínverskum ríkisfjölmiðli í dag. Samtökin staðfestu aftökuna í gær en gíslinn var hálshöggvinn.
Í pistlinum segir að stuðningur forsætisráðherrans í garð Bandaríkjanna hefði dregið Japan inn í deiluna jafnvel þó „lönd í austurhluta Asíu eigi ekki að vera aðalskotmörk“ hryðjuverkasamtakanna.
Samtökin staðfestu aftökuna en þau vilja að kona að nafni Sajida al-Rishawi verði leyst úr haldi í Jórdaníu. Að öðrum kosti verður annar japanskur gísl sem er í haldi samtakanna tekinn af lífi.