Hórmangari segir réttarhöld skrípaleik

Skækjumiðlarinn Dominique Alderweireld mætir á morgun fyrir dómara í París ásamt Dominique Strauss-Kahn, fyrrverandi framkvæmdastjóra Alþjóðagjaldeyrissjóðsins, vegna gruns um tengsl þeirra við vændishring. Alderweireld neitar sök og segir réttarhöldin skrípaleik.

Alderweireld rekur vændishús í Belgíu og er sakaður um að hafa útvegað gleðikonur fyrir teiti Strauss-Kahns. Hann segist ekki hafa neytt eina einustu konu í vændi og hafi því ekki gert neitt rangt. Þá segir hann að Strauss-Kahn glími við kynlífsfíkn en það sé ekki glæpur. Strauss-Kahn og félagar hans eru sagðir hafa staðið fyrir fjölmörgum kynlífsveislum sem vændiskonur voru fengnar til að mæta í.

mbl.is
Fleira áhugavert
Fleira áhugavert