Minntust Stalíns á ártíð hans

Stuðningsmenn rússneska kommúnistaflokksins komu saman í gær við leiði Jósefs Stalíns, einræðisherra Sovétríkjanna, og minntust þess að 62 ár voru liðin frá því að Stalín lét lífið.

Stalín fæddist hinn 18. desember árið 1878 í bænum Gori í Georgíu, sem þá tilheyrði Rússlandi.

Arfleifð hans er umdeild í Rússlandi, þar sem margir sagnfræðingar kenna  honum sérstaklega um að hafa orðið valdur að andláti milljóna manna. Margir Rússar telja hins vegar að Stalín hafi verið þjóðhetja.

• 3 blogg um fréttina

Bloggað um fréttina

• Wilhelm Emilsson: Stalín er ekki hér
• G. Tómas Gunnarsson: Fjöldamorðingi og hetja
• Ómar Ragnarsson: Hinn ótakmarkaði máttur blekkinga, áróðurs og trúgirni.