Ban Ki-moon, aðalritar Sameinuðu þjóðanna, hefur fordæmt skemmdarverk liðsmanna hryðjuverkasamtakanna Ríki íslams í hinni fornu borg Nimrud. Hann segir skemmdarverkin vera stríðsglæp og árás á mannkynið.
Skemmdarverkin eru aðeins þau síðustu í niðurrifsherferð samtakanna gegn menningararfi í Írak. Að sögn íraskra stjórnvalda fóru íslamistarnir með jarðýtur á menningarverðmætin í Nimrud.
Nimrud er einn helsti gimsteinn sem varðveist hefur frá Assyríutímabilinu. Borgin var stofnuð á þrettándu öld fyrir Krist og er við Tígris-ána í um þrjátíu kílómetra fjarlægð frá Mosul, annarri stærstu borg Íraks. Mosul er eitt helsta vígi vígamanna Ríkis íslams.
Fréttir mbl.is:
Hafa eyðilagt ómetanleg verðmæti