Barack Obama, forseti Bandaríkjanna, hefur fyrir löngu lýst því yfir að hann sé mikill aðdáandi sjónvarpsþáttanna The Wire, sem fjalla meðal annars um lögreglumenn og fíkniefnasala í Baltimoreborg í Bandaríkjunum, skólakerfið þar í borg og starfsemi fjölmiðla.
Forsetinn birti í dag viðtal sem hann tók við annan höfund þáttanna, David Simon, um þættina og hvaða áhrif þeir hefðu haft á hann. Í viðtalinu lýsti Obama þáttunum sem einhverju mesta listaverki síðustu áratuga.
David Simon starfaði meðal annars sem blaðamaður hjá The Baltimore Sun. Þættirnir eru mörgu leyti byggðir á upplifun Simon af starfi hans og störfum lögreglumanna í borginni, sem hafa sagt þættina lýsa aðstæðum í fátækri borg í Bandaríkjunum mjög vel.
Viðtal forsetans við David Simon má sjá hér að neðan.