Ellefu manns létust í dag í átökum á milli lögreglusveita og glæpagengja í austur Brasilíu í dag. Jafnframt særðust tveir lögreglumenn.
Sjö manns, sem grunaðir voru um að tilheyra gengi bankaræningja, létust í bænum Currais Novas á meðan fjórir meintir eiturlyfjasalar létust í skotbardaga við lögreglu í Mangueira.
Fréttastofan G1 sagði frá þessu í dag og sagði að þeir sem grunaðir eru um að hafa stundað bankarán hafi hafið skothríð á lögreglu snemma í morgun sem skutu til baka. Þá lést einnig maður sem gaf til kynna að honum hafi verið rænt af genginu.
Fann lögregla byssur og sprengiefni í bifreiðum mannanna. Að sögn heilbrigðisyfirvalda eru lögreglumennirnir tveir sem særðust í stöðugu ástandi. Var einn maður handtekinn vegna átakanna.
Gaf lögregla til kynna að þeir hafi fundið faldar birgðir af byssum og sprengjum og meira en 1000 skotfæri við húsleitir í kjölfar átakanna í dag.