Ríkisstjórn Tyrklands reyndi í dag að sýna Armenum hluttekningu í tilefni af því að 100 ár eru liðin frá þjóðarmorðum á forfeðrum þeirra á veldistíma Ósmanna í Tyrklandi (e. Ottoman Empire). Sagði forsætisráðherra Tyrklands, Ahmet Davutoglu, að Tyrkir deildu þjáningum Armena og vildu græða sorg fortíðar.
Samkvæmt AFP jaðraði yfirlýsing forsætisráðherrans við viðurkenningu á því að um þjóðarmorð hefði verið að ræða, líkt og Armenar hafa kallað eftir, en náði þó ekki svo langt.
„Enn á ný minnumst við af virðingu og deilum þjáningum barna og barnabarna ósmennskra Armena sem töpuðu lífi við brottflutningana 1915,“ sagði Davutoglu í yfirlýsingunni.
1,5 milljón manna var myrt af herjum Ósmanna árið 1915 í því sem sagt kallað hefur verið fyrsta þjóðarmorð 20. aldarinnar.