Katrín fór í Zöru á lokametrunum

Katrín Middleton og Vilhjálmur Bretaprins eiga von á öðru barni …
Katrín Middleton og Vilhjálmur Bretaprins eiga von á öðru barni sínu á næstu dögum. AFP

Katrín Middleton hertogaynja fær ekki mikinn frið á lokametrunum áður en barn hennar kemur í heiminn. Fjölmiðlar keppast við að flytja hinar ýmsu fréttir af henni og þá er einnig líf og fjör í veðbönkum heimsins en margir vilja giska á fæðingardag konunglega barnsins.

Katrín situr ekki aðgerðarlaus heldur sást til hennar í versluninni Zöru sem er í göngufæri frá Kensington höll í London. Hún gæddi sér á hnetum og skoðaði hvítar körfur sem gætu sómað sér vel í barnaherbergi. Þá keypti hún einnig fatnað fyrir Georg.

Hertogaynjan sagði í síðasta mánuði að von væri á öðru barni hennar eftir miðjan aprílmánuð. Mánuðurinn er senn á enda og því fylgist heimurinn grannt með. Ef marka má veðbanka eiga hjónin von á stúlku sem fær nafnið Alice. Önnur nafn sem talin eru koma til greina eru Elísabet og Viktoría.

mbl.is
Fleira áhugavert
Fleira áhugavert