Átta ára drengur lést á sjúkrahúsi í Glasgow í Skotlandi eftir að hafa orðið undir legsteini í kirkjugarði.
Í frétt Sky-sjónvarpsstöðvarinnar segir að tveir aðrir drengir hafi einnig verið fluttir úr kirkjugarðinum á sjúkrahúsið. Þeir eru báðir tíu ára. Annar þeirra hefur verið útskrifaður en ástand hins er sagt stöðugt.
Lögreglan rannsakar nú hvað gerðist í kirkjugarðinum en hefur þegar gefið út að hún telji ekki neitt saknæmt hafa átt sér stað.