Fulltrúi Rússlands beitti í kvöld neitunarvaldi landsins þegar tillaga um að stofna sérstakan dómstól til að rannsaka hrap MH17 var borin undir Öryggisráð Sameinuðu Þjóðanna. Dómstólnum var ætlað að rétta yfir þeim sem bera ábyrgð á því að vélin var skotin niður.

11 af 15 þjóðum öryggisráðsins kusu með tillögunni, sem var samin af Ástralíu, Belgíu, Malasíu, Hollandi og Úkraínu. Rússland greiddi atkvæði gegn tillögunni, en Angóla, Kína og Venesúela sátu hjá. Fundur ráðsins hófst með þagnarstund, þar sem fórnarlamba árásarinnar var minnst. 298 létust þegar vélin var skotin niður þann 17. júlí 2014.

Stjórnvöld í Moskvu neita að hafa átt nokkurn þátt í því hvernig fór fyrir vélinni, og segir her Úkraínu bera alla ábyrgð.

AFP

Tengdar fréttir

Farþegaþota hrapar í Úkraínu

Pútín beri ábyrgð á vopninu sem grandaði vélinni

• Rannsókn á máli MH17 hætt
• Rússar segja dóminn hneyksli
• Þrír sakfelldir fyrir að granda MH17
• Gengu erinda hersins þegar þeir grönduðu MH17

» Fleiri tengdar fréttir

• Blogga um frétt