Tveir úkraínskir hermenn hafa látið lífið og fjórtán manns særst í árásum aðskilnaðarsinna í austurhluta Úkraínu seinasta sólarhringinn, að sögn úkraínskra yfirvalda.

Árásirnar áttu sér aðallega stað í grennd við borgina Donetsk, sem er eitt aðalvígi aðskilnaðarsinna. Enn er mikil spenna á svæðinu, að sögn talsmanns úkraínska hersins.

Þá greindu yfirvöld í Kænugarði frá því að fimm óbreyttir borgarar, þar á meðal tólf ára gömul stúlka, hefðu særst í árásum í bænum Gorlivka, sem er á valdi aðskilnaðarsinna.

Íbúar í bænum tilkynntu Öryggis- og samvinnustofnun Evrópu um árásirnar í dag, en talsmaður stofnunarinnar gat ekki staðfest hversu margir hefðu særst.

Harðir bardagar hafa geisað á milli úkraínska hersins og aðskilnaðarsinna í austurhluta Úkraínu frá því í apríl í fyrra. Samkvæmt tölum frá Sameinuðu þjóðunum hafa yfir 6.800 fallið í átökunum og sautján þúsund særst.

Tengdar fréttir

Úkraína

Tveir létust í úkraínskri drónaárás í Rússlandi

• Myndskeið: Segjast hafa skotið niður sprengjuflugvél
• Grunaður um að brugga Selenskí launráð
• Segjast hafa skotið niður langdræga sprengjuvél
• Átta létust í árásum Rússa í nótt

» Fleiri tengdar fréttir

• 2 blogg um fréttina

Bloggað um fréttina

• Ármann Birgisson: Að sögn Úkraínskra yfirvalda.
• Torfi Kristján Stefánsson: Úrkalínuher átti upptökin