Innanríkis- og dómsmálaráðherrar aðildarríkja Evrópusambandsins hafa verið boðaðir á fund þann 14. september nk. til þess að fjalla um hvernig leysa beri flóttamannavandann sem Evrópuríkin hafa verið takast á við. Fundurinn er boðaður í kjölfar þess að innanríkisráðherrar Þýskalands, Frakklands og Bretlands óskuðu eftir því að slíkur fundur yrði boðaður innan tveggja vikna svo taka mætti raunveruleg skref í átt að því að leysa vandann.

Þetta kemur fram á vef dagblaðsins The Guardian.

Aldrei hafa fleiri flóttamenn streymt yfir landamæri Evrópu en í júlímánuði einum komu 100.000 flóttamenn til Evrópu og það sem af er af árinu hafa 340.000 manns flúið frá heimkynnum sínum til Evrópu. Í fréttinni segir einnig að Ítalía og Grikkland hafi átt erfitt með að takast á við flóttamannastrauminn á meðan að lýst hafi verið yfir neyðarástandi í Makedóníu.

Tengdar fréttir

Á flótta

Ástralska ríkið samdi við vafasöm fyrirtæki

• ESB herðir löggjöf um málefni flóttafólks
• 41 flóttamanns saknað
• Móðir og ungbarn drukknuðu
• Tekur á móti allt að 140 einstaklingum í viðkvæmri stöðu

» Fleiri tengdar fréttir

• Blogga um frétt