Gervihnattamyndir hafa nú staðfest að Bel-hofið sem stóð í fornu borginni Palmyra í Sýrlandi hefur verið eyðilagt. Sameinuðu þjóðirnar greindu frá þessu í dag.

Í síðustu viku var sagt frá því að liðsmenn Ríkis íslams hafi sprengt hofið upp. Þar að auki birtu samtökin myndir sem sýndu sprengiefni inni í hofinu sem er talið vera 2000 ára gamalt.

Fyrr í dag var hinsvegar sagt frá því að stór hluti hofsins stæði enn og var það haft eftir yfirmanni forn­leifa­vernd­ar í Sýr­landi. Hann sagði að spreng­ing­in hefði verið öfl­ug en að hið 2000 ára gamla hof stæði þó enn að mestu. Hann sagði einnig að enn væri ekki búið að meta þær skemmd­ir sem urðu því ekki er talið óhætt að fara inn í hofið.

Gervihnattamyndirnar sem birtar voru í dag sýna þó annað. „Við getum staðfest að aðalbygging Bel-hofsins, sem og röð súlna í nágrenninu, hafa verið eyðilögð,“ sagði í yfirlýsingu.

UNOSAT satellite analysis confirms Temple of #Bel #Palmyra #Syria main building destroyed @UNESCO @UrtheCast @UNITAR pic.twitter.com/IZWRN0Tsil

— UNOSAT (@UNOSAT) August 31, 2015

Hér má sjá Bal-hofið áður en það var sprent upp af hryðjuverkamönnum. AFP

Tengdar fréttir

Ríki íslams

Neita að tjá sig um Ríki íslams

• Vara við hugsanlegum hryðjuverkum í Moskvu
• Ekki vitað um aðra ISIS-liða
• Ríki íslams lýsir árásinni á hendur sér
• Leiðtogi Ríkis íslams sagður látinn

» Fleiri tengdar fréttir

• Blogga um frétt