Frekari eyðilegging blasir við í Palmyra
Setja bókamerki
Sveitir Ríkis íslams hafa sprengt upp fleiri merkar byggingar í Palmyra, samkvæmt upplýsingum frá fornminjaráði Sýrlands. Nýjar fregnir herma að þær hafi sprengt upp turn í fornu borginni en fornminjar þar eru á heimsminjaskrá UNESCO.
Liðsmenn Ríkis íslams sprengdu nýverið upp Baal Shamin-hofið og Bel-hofið í Palmyra. Í síðasta mánuði var Khaled al Asaad, forstöðumaður fornminjanna, afhöfðaður af Ríki íslams og lík hans hengt upp á víðförlum stað í Palmyra, en samtökin hafa ráðið borginni síðan í lok maí.
Palmyra er vin í miðju einskismannslandi og hefur verið kölluð „Perla eyðimerkurinnar“. Nafn hennar merkir Pálmaborg og hún er kennd við döðlupálma sem eru enn algengir á þessum slóðum.
Palmyra er getið á töflum frá 19. öld fyrir Krist. Borgin varð snemma mikilvægur áningarstaður úlfalda- og vagnlesta á leiðinni milli Miðjarðarhafs og Persaflóa og einnig á Silkileiðinni til Kína og Indlands. Blómaskeið borgarinnar hófst á fyrstu öld eftir Krist, þegar hún var hluti af Rómaveldi, og stóð í fjórar aldir. Henni tók síðan að hnigna og hún eyðilagðist að lokum í jarðskjálfta árið 1089.
Palmyra var einn af vinsælustu ferðamannastöðum Sýrlands áður en stríðið í landinu hófst árið 2011. Á ári hverju komu þangað um 150.000 erlendir ferðamenn til að skoða fornminjarnar, m.a. fallegar styttur, meira en þúsund súlur og greftrunarsvæði með um 700 grafhýsi.
Fara ekki lengur fram á einangrun yfir Davíð
Fiskikóngurinn: „Mér fannst sárt að heyra það“
Áköf mótmæli í bandarískum háskólum
„Skýr skilaboð til Seðlabankans“
Mest spennandi kosningar í áratugi
Tapa fimm milljónum á dag
Myndir: Reynir við heimsmet í Hlíðarfjalli í dag