Bashar al-Assad, forseti Sýrlands segir að bandalag Rússlands, Írans, Íraks og Sýrlands sé mjög mikilvægt fyrir löndin og að íhlutun Rússa í borgarastríðinu sé lífsnauðsynleg fyrir svæðið í heild. Þetta kom fram í ávarpi forsetans í dag.

Rússland gerði á miðvikudaginn loftárás í Sýrlandi, en stjórnvöld í Moskvu segja að þau séu að reyna að granda skotmörkum sem tengjast íslamska ríkinu.

Bandaríkjamenn og aðrir andstæðingar hafa aftur á móti sagt að Rússland sé með árásunum aðallega að sækja fram gegn hófsamari uppreisnarhópum sem Vesturlöndin styðji.

Í ávarpi sínu óskaði al-Assad eftir því að vesturveldin myndu taka saman höndum með Rússum í árásum sínum og berjast gegn hryðjuverkamönnum. Vestræn ríki og Persaflóaríkin hafa farið fram á það við al-Assad að hann segi af sér sem forseti eftir að hafa stýrt landinu í gegnum fjögur ár af borgarastyrjöld.

Tengdar fréttir

Sýrland

Helsti ráðgjafi Hisbollah sá sem ráðinn var af dögum

• Fórnarlömb mannskæðrar árásar jörðuð
• Olíuflutningaskipið sagt mjög laskað
• Vill réttarhöld yfir Assad
• Jórdanar sagðir hafa fellt fíkniefnabarón

» Fleiri tengdar fréttir

• 1 blogg um fréttina

Bloggað um fréttina

• Páll Vilhjálmsson: Hernámi Ísraels fagnað - af hernumdu fólki