Frans páfi sagði í dag að það þyrfti að bregðast „nú eða aldrei“ við loftslagsbreytingum. Kallaði hann stöðuna eins og hún er í dag „jaðra við sjálfsvíg“.

Í dag hófst loftslagsráðstefna Sameinuðu þjóðanna í París. Þar koma saman fulltrúar frá 150 þjóðum næstu tólf dagana til þess að ræða samkomulag um að bregðast við loftslagsbreytingum.

Á blaðamannafundi sem haldinn var í einkaþotu páfans í dag sagði hann að lítið hefði gerst síðan  Kyoto-bókunin var samþykkt árið 1997 og að á hverju ári yrði vandamálið alvarlegra.

„Ef ég á að nota sterkt orð, má segja að staðan jaðri við sjálfsvíg,“ sagði páfinn. „Næstum því allir sem taka þátt í viðræðunum í París vilja samkomulagið. Ég er viss um að þeim mun takast það,“ bætti hann við.

Páfinn er  mikill áhugamaður um umhverfisvernd og hefur gagnrýnt mannkynið harkalega fyrir áhrif þess á loftslagsbreytingar. Í dag sagði páfinn að loftslagsbreytingar ýttu undir fátækt, fólksflótta, veikindi og stríð. Bætti hann við að það væri mikilvægt að hætta notkun jarðefna­eldsneyt­is.

Tengdar fréttir

Loftslagsráðstefna Sameinuðu þjóðanna í París 2015

17 tilskipanir Bidens

• Fótósjoppuðu mynd af leiðtoga Græningja
• Súrnun hefur áhrif á allt lífríki hafsins
• „Ekki fyrir mig, því ég verð dauður“
• Björt segir ákvörðun Trump vonbrigði

» Fleiri tengdar fréttir

• 2 blogg um fréttina

Bloggað um fréttina

• Ómar Ragnarsson: Nýjasta nýtt: Hlýnunin og koltvísýringurinn eru jörðinni að kenna!
• Þórhallur Heimisson: Kristin trú og umhverfismálin